ركلة جزاء تفجّر المدرجات.. ومدرب سيراميكا يجلد “التتش” بسؤال ناري عن الفرص الضائعة! بيراميدز غارق في الملايين.. والدوري مازال بعيد كالحلم المستحيل!
“بـ تتلككوا ليه؟”.. علي ماهر يفتح النار على الأهلي بعد “خناقة” ركلة الجزاء.. ومدرب سيراميكا يـُحرج “التتش”: فين فرصكم؟ وبيراميدز معاه ملايين ومخدش الدوري!
في تصريحات “مستفزة” قلبت السوشيال ميديا، خرج علي ماهر، المدير الفني لنادي سيراميكا كليوباترا، ليرد بـ قوة على اعتراضات النادي الأهلي وجهازه الفني بـ سبب ركلة الجزاء اللي م اتحسبتش في ماتش الفريقين الأخير. “ماهر” م اعتمدش الدبلوماسية، وبدأ هجومه بـ تساؤل صادم: “المفروض ده الأهلي.. ليه يتلكك على ضربة جزاء؟ أنا مش فاهم فين الفرص اللي عملتوها طول الماتش؟”، في إشارة واضحة منه إن الأهلي م استحقش الفوز فنياً داخل الملعب بـ غض النظر عن قرار التحكيم.
علي ماهر كمل كلامه بـ نبرة “تحدي” وأكد إن فريقه كان الأقرب لـ خطف التلات نقط، وقال: “إحنا ضيعنا هدفين محققين قدام مرمى الأهلي، والمفروض الناس تفرح بـ الحالة اللي إحنا عاملينها والمنافسة الشريفة اللي بـ نقدمها”. “ماهر” م وقفش لحد كدة، ده كمان دخل نادي بيراميدز في الجملة بـ مقارنة “قاسية” بـ سبب صراع الدوري، وقال إن بيراميدز بـ كل الملايين اللي بـ يدفعها م قدرش ياخد الدوري وبـ قاله كام سنة بـ يحاول، وده بـ يثبت إن الفلوس والأسماء مش كل حاجة في الكورة.
التصريحات دي ولعت الدنيا في معسكر الأهلي، واعتبرها الجمهور “تقليل” من حجم الظلم اللي اتعرض له الفريق، ومحاولة لـ تشتيت الانتباه عن فضيحة التحكيم بـ كلام عن “الفرص الضايعة”. علي ماهر بـ كلامه ده حط نفسه في “مواجهة مباشرة” مع جماهير التتش اللي شايفة إن تصريحاته بـ تخدم مصلحة المنافسين في دورة اللقب. يا ترى يا جماهير.. هل علي ماهر معاه حق في إن الأهلي بـ “يتلكك” ولا تصريحاته مجرد محاولة لـ تبرير النتيجة؟.
